Mahatma hugleiðsla í gegnum John Armitage/Hari Baba

Vinur okkar og kennari John Armitage er framúrskarandi miðill. Mig langar að deila með ykkur einni miðlun og býð ykkur vel að njóta.

MAHATMA –

Hin persónulega orka móður/föður Guðs

Góðan daginn vinir mínir, bræður og systur. Þetta er í fyrsta sinn sem ég hef komið í gegn hjá þessum. Það er mjög, mjög óvenjulegt í raun fyrir mig að koma í gegnum nokkurn.  Sum ykkar þekkja nafn mitt.  Ég heiti Brian Grattan.  Ég kem til að tala smástund við ykkur. Ég er rétt að jarðtengja orku mína því eins og ég hef áður sagt þá er þetta í fyrsta sinn sem ég kem hér í gegn þó ég hafi verið að tala við þennan síðustu daga. 

En ég kem til að tala við ykkur um Mahatma. Sum ykkar vita að ég vann með Lenduce, Vywamus, Djwal Kuhl og Sanat Kumara við að færa þessa orku, færa þessa vitneskju inn í ykkar 3./4.víddar veruleika þegar ég var í jarðvist. Ég hef ákveðið að halda aftur af fullnaðar uppljómun minni vegna þess að ég vil gjarnan aðstoða við að koma á framfæri vitneskjunni um Mahatma og Mahatma orkunni gegnum þennan, á meira almúga máli. Ég hef áttað mig á því að mörgum finnst erfitt að komast í gegnum bók mína  Mahatma I og II og eiga í erfiðleikum með að skilja hana.  Því hef ég ákveðið að ég mun reyna að festa vitneskjuna á einfaldari, jarðneskari hátt.

Svo, Mahatma, Mahatma orka, þessi ljósboðari hefur tekið inn Mahatma orkuna á þann hátt sem ég undrast.  Auðvitað vann hann með Mahatma orkuna á tímum Atlantis.  Mahatma orkan var þekkt þá. Við reyndum að jarðtengja og festa Mahatma orkuna þá en við vorum of sein.  Við gerðum okkur grein fyrir að Kristsvitundar netið var bilað, að það væri ekki rétti tíminn til að jarðtengja þessa orku við Móður Jörð og íbúa hennar. Þannig að hún var dregin til baka af Uppsprettunni. Þau verk sem ég vann er ég var í jarðvist á ný kynnti Mahatma orkuna.

Mörg ykkar vita að Mahatma orkan var jarðtengd af Meisturunum og sjálfum mér, sérstaklega Sanat Kumara, Logos plánetu ykkar. (Himnafaðirinn-Líkami hans er jörðin og allt sem þar býr). Þetta var á tíma Harmónik Convergance  1987. Margt fólk tók þátt í þeirri athöfn. En ef þið lítið til baka þá vissu ekki margir um hvað hún snerist. Það voru aðeins örfáir sem vissu hina sönnu ástæðu.  En sjáið hvað gerðist. Margir vissu á hærra plani hvað var að gerast og hvers var óskað af þeim. Skipuleggjendur alls staðar á jarðarkringlunni kölluðu saman hópa fólks á helgum stöðum, ljósmusterum, steina hringjum efst á hæðum og fjöllum og þar sat fólkið og hugleiddi. Þeir héldu þeirri hugmynd í hjarta sínu og huga að samhljómur að leita að sama punkti (samleitni).

Mahatma orkan var á þann hátt jarðtengd af fjöldamörgum þótt þeir vissu ekki hvað þeir væru að gera. Á sama tíma festi Sanat Kumara orku sína  inn í plánetuna ykkar og hóf uppljómunar ferli Jarðar á einbeittan hátt . Ég, Brian fór síðan og framkvæmdi nokkrar samstillingar á Mahatma orkunni og nokkra jarðtengingu en um tíma eftir að ég uppljómaðist gleymdist það meira eða minna.  Fólk sagði: Ó, já, lastu þessa bók Mahatma I&II?  Fólk sagði; Já, áhugaverð, áhugaverð. Enginn sagði “Við skulum vinna með þessa orku! Við verðum að fræða fólk um hana svo þeir geti líka unnið með hana.”


Þetta orð Mahatma er auðvitað orð sem mörg ykkar vita að hefur þýðingu í Sanskrít, einu af hinum helgu tungumálum. Vesturlandabúar þekkja þetta orð vegna þess að það var hluti af nafni hins uppljómaða meistara Ghandi. Mahatma hefur tvær þýðingar. Það þýðir Mikil sál en einnig Faðir. Síðan var það ákveðið að þessi orka og þegar ég tala um þá ákvörðun að þessi orka skyldi vera til staðar fyrir mannkyn á Jörðu, þá var það ákveðið af Skaparanum, Móður/föður Guði. Skaparinn ákvað að nú væri rétti tíminn til að festa sjálfsvitund sína á jörðinni.  Þetta færir Guð persónulega inn í líf ykkar. 

Sjáið til, einhver myndi segja að Guð væri nú þegar hér því sköpunin er hér. En hin persónulega orka Sjálfsvitundar Skaparans var ekki hér. Sú skapandi orka, sá kærleikur og samúð sem er uppspretta orku sköpunarinnar flæddi í gegnum alla sköpun Skaparans.  Þessi kærleikur sem er samloðandi orka er hægt að taka saman eða útskýra sem ópersónulega orku. Fólk þurfti að vinna að, þurfti að hugleiða og stilla sig inn til að geta fundið fyrir kærleika þessarrar orku. En nú flæðir Mahatma orkan, orka sjálfsvitundar Uppsprettunnar um plánetu ykkar.

Hin persónulega orka Skaparans, orka Skaparans sem einstaklingur með hans/hennar eigin rétti er til reiðu fyrir þig. Svo það var ákveðið að með stýringu þessa atburðar sem þekktur er sem Harmonik convergance, að þessir tveir hlutir myndu gerast og að Sanat Kumara myndi festa orku sína inn í plánetuna og Mahatma, Sjálfsvitund Móður/föður Guðs gæti fest þessa orku.  Síðan vissum við að við yrðum að útskýra fyrir fólki hver þessi orka væri og einnig vegna þess hvernig menn þurfa alltaf að festa hendur á öllu og setja í flokka þá yrðum við að gefa henni eitthvert nafn því annars segði fólk: Ja, hvernig get ég stillt inn á þessa orku? Hvað heitir þessi orka?  Djwhal Khul, Lenduce og aðrir og Sanat Kumara í samvinnu við Uppsprettuna Hann/hana sjálfa, eyddi það sem þið mynduð segja á jörðu mörgum stundum og dögum til að finna nafn fyrir þessa orku. Það var ákveðið að mantran fyrir þessa orku yrði Mahatma. 

Mahatma er einfalt orð. Það eru til flóknar möntrur til að hjálpa þér að stilla inn á mismunandi orku.  Auðvitað er þetta það sem möntrur ganga út á –orðið er ekkert öðruvísi en orkan, nafnið er ekkert öðruvísi og það er þess vegna , þegar við segjum Mahatma að orkan flæðir gegnum okkur og þegar við segum Shiva flæðir orka Shiva gegnum okkur , þegar við segjum Krishna flæðir orka Krishna gegnum okkur.  Þetta er líka tæknin sem þú notar í tíðni (vibrational) heilun.  Í raun er lyfið ónauðsynlegt.  Nafn efnisins er ekkert öðruvísi en orka efnisins.

Nokkrir molar að hugsa um.  Því bið ég ykkur að byrja að gera ykkur grein fyrir mikilvægi Mahatma orkunnar.  Ég bið ykkur að byrja að nota orðið Mahatma í lífi ykkar; og vitið að þegar þið akið bíl ykkar, þegar þið sitjið og hugleiðið eða heilið eða í öllu því sem þið gerið, leyfið þessu orði, þessarri möntru Mahatma að flæða um vitund ykkar.  Þið takið inn mjög þétt form af kærleika og ljósi, ekki aðeins inn í frumuform ykkar heldur eruð þið líka að jarðtengja þennan kærleika og ljós gegnum fætur ykkar inn í ykkar elskuðu plánetu Jörð.  Þegar þið notið þessa möntru Mahatma flæðir ljós niður gegnum sjálfsvitund ykkar , gegnum sál ykkar og tólf orkustöðva kerfi og inn í frumu form ykkar.
Margir spyrja nú, “Hvernig get ég virkjað ljóslíkama minn? Hvernig get ég aukið útgeislun Merkaba ljósfars míns? “ Vinnið með Mahatma orkuna í tengslum við stjörnufjórflötugnssvið ykkar og sjáið hversu fljótt ljósfar ykkar skín eins og þúsund sólir.  Þessi Mahatma orka er einnig mjög örugg til að vinna með. 


Hægt er að nálgast ýmiss konar orku fyrir orkukerfi eða orkustöðvar, eða loftnets kerfi sem geta ef þú opnar þig of fljótt eða of mikið  valdið skaða.
Þú getur skaðað þig með því að þú getur brennt tengingu milli orkustöðva ekki aðeins í líkama þínum heldur einnig milli hinna hærri orkustöðva í hærri líkömum þínum.  Auðvitað hefur verið talað um sjö orkustöðvar, tólf orkustöðvar, 22 orkustöðvar, fimmtíu orkustöðvar.

Ég bið ykkur um að byrja að hugsa um 352 orkustöðvar vegna þess að það eru þrjúhundruðfimmtíu og tvö svið milli ykkar víddar heims og Uppsprettunnar Hans/hennar sjálfrar.  Margar orkustöðva ykkar eru ekki virkar. Þetta er hluti af því að vinna með Mahatma orkuna. Það er hluti af því að vinna með stjörnufjórflötungs svið ykkar.  Þið munuð geta virkjað allar 352 orkustöðvarnar sem tengja þig inn.  Það er eins og þið settuð ykkur í samband við háspennu rafstöð nema þetta rafmagn mun verða ljúft. Tíðni þess mun verða lækkuð þannig að þú getir örugglega höndlað það.

Þessi orka, þegar hún flæðir í gegnum aleind þína, þá mun aleind þín vita hvað frumuform þitt þolir. Aleind þín veit hvað orkustöðvar þínar þola svo þess vegna er hún mjúk, hún er ljúf og kærleiksrík.  Leyfðu Mahatma orkunni að gæla við atómeindir þínar. Leyfið Mahatma orkunni að gæla við frumu form ykkar.  Leyfið Mahatma orkunni að elska og gæla við líf ykkar og gegnum hana munið þið verða ljós. Þið munið verða Kærleikur og munið verða heil.


Svo ég bið ykkur að hugsa um Mahatma, bið ykkur um að staðfesta ef þetta fær hljómgrunn í hjarta ykkar. Ég segi ekki að ef þið vinnið ekki með Mahatma orkuna þá munið þið ekki uppljómast.  Ég segi ykkur að ef persónuleg uppljómun (hugljómun) er hátt á forgangslista ykkar þá skuluð þið vinna með Mahatma orkuna og þið munið hraða þroska ykkar hratt á öruggan og ljúfan hátt vegna þess að Mahatma ER Kærleikur, Mahatma ER Ljós og hún mun færir ykkur heilleika.


Nú ef þið spyrjið mig hvað heilleiki sé þá er svar mitt einfalt.  Heilleiki er Kærleikur.  Ég minni ykkur á að heilleiki er fæðingarréttur ykkar.  Hugsið um þetta. Hann er fæðingarréttur ykkar. Það er ekki eitthvað sem þið þurfið að vinna fyrir þar til einhver utanaðkomandi stofnun segir að þið séuð verðug . Ég, Brian segi, allir eru verðugir.


Allt sem þið þurfið að gera er að staðfesta: “ Ég er Mahatma. Ég staðfesti að ég vil að Mahatma orkan flæði í gegnum mig. Ég staðfesti að ég vil að Mahatma orkan flæði í gegnum hjarta mitt.  Ég staðfesti að ég vil verða Mahatma.” Ég minni ykkur á að þið eruð öll Mahatma. 

Gangið áfram með þessarri orku kærleikans. Gangið áfram með þessarri orku ljóssins. Gangið áfram með þessarri orku umbreytingar. Koma þessarrar Mahatma orku, jarðtenging Mahatmaorkunnar á þessarri plánetu er ekki aðeins talin mikilvægasta atvik mannkynssögunnar síðustu billjónir ára af mér heldur einnig af logos plánetunnar, kosmískum hluta logos plánetunnar og milljóna uppljómaðra meistara. Þessi Mahatma orka er silfruð og gyllt. Margir sjá einnig smá lillabláan lit í henni. Ég segi ykkur þetta til þess að þið getið séð þessa orku þegar þið farið með Mahatma staðfestinguna hvort sem er með lokuð eða opin augu auk þess að skynja hana.( Ég vil minna mörg ykkar sem segist stöðugt ekki sjá neitt að ef þið lokið augunum munuð þið sennilega sjá mun meira). Nú skulum við fara í gegnum smá æfingu sem mun hjálpa ykkur að festa Sjálfsvitundina inn í hið líkamlega farartæki ykkar. Nú, þetta er mjög einfalt það er engin sjónskipun (birting).

Svo nú skuluð þið rétta úr bakinu, sitjið hljóðlát og dragið djúpt inn andann. Aðalatriðið er að slaka á og ekki gera ráð fyrir einhverri kosmískri sprengingu í höfðinu eða kosmískri sprengingu í ljóslíkama ykkar.  Slakið bara á og opnið hjarta ykkar og staðfestið í huga ykkar, ef þið eruð tilbúin til þess: “ Ég staðfesti að ég vil gjarnan að Mahatma orkan flæði gegnum allar orkustöðvar mínar og inn í hjarta mitt og frá hjarta mínu geisli hún til bræðra minna og systra, mannkyns, dýra, skordýra, plantna, trjáa, fiska, hvala, höfrunga og þeirra vera sem ekki eru af ljósinu og vegna kærleika míns muni þeir einnig verða ljós, og að Mahatma orkunni sé stjórnað af Aleind (sjálfsvitund) minni í samræmi við lögmálið.”

Slakið nú á og leyfið Mahatma orkunni að flæða gegnum ykkur.

Ég er það sem ég er, Mahatma.

Samstarfsfélagi minn Djwal Kuhl hefur beðið mig að tala aðeins við ykkur um ÉG ER.  Þessi orð “ Ég er það sem ég er” tengja ykkur við  Sjálfsvitund ykkar.


Þið sjáið að margir hlaupa um í þriðju/fjórðu víddinni án tengingar eða með lítilli tengingu við Aleindina eða Sjálfsvitund sína. Þess vegna eru margir sem þjást í þessu jarðneska lífi, sjálfsvitundin er stöðugt að leggja þrautir fyrir veruna til að minna hana á að það er fleira í þessu lífi en tálsýnir lægri vídda. Þessi orð, “Ég er það sem ég er” þessi mantra eða staðfesting tengir ykkur við sjálfsvitundina. En gætið þess jafnan hvað kemur á eftir “ÉG er”.  Vegna þess að í hvert sinn sem þið segið “ég er veik” þá verðið þið veik. Í hvert sinn sem einhver segir ég er blankur verðurðu svo,  því alheimurinn aftengir flæði allsnægtar.  “Ég er blönk” segir alheimurinn, Þessi hlýtur að vera blankur svo hann vill aftengjast flæði allsnægtar.

Hugleiðið þetta. Þið getið farið með mjög jákvæðar staðfestingar eins og “ sannleikur, fegurð, samhljómur, gnótt, kærleikur og Mahatma flæðir um lífsstraum minn, ég er það sem ég er.” Ef þið notið staðfestingar sem þessa daglega munið þið fljótt verða vör við breytingar í lífi ykkar.   Þið eruð meðskaparar og skapið ykkar eigin raunveruleika. 

 Leyfið nú Mahatma orkunni enn að flæða gegnum hjarta ykkar og hraða ferð ykkar til frelsis.
Ég bið ykkur bara um að vinna með Mahatma.  Ég kveð ykkur með kærleika mínum, ég kveð ykkur með Mahatma.

Ljósboðun gegnum John Armitage 28.apríl 1996.