2012 árið sem Maya tímatalið rennur út-hvað er í vændum?

Það er ósjaldan sem við höfum á námskeiðum eða í samræðum við fólk sem hefur áhuga á andlegum málefnum fengið spurningu um hvað muni gerast árið 2012.Ýmsir hafa tjáð sig um þetta og túlkað endalok tímatals Maya sem skýr skilaboð um að endalok jarðar og mannkyns séu í nánd.Ekki ósvipuð túlkun var í gangi á níunda áratug síðustu aldar er photon beltið var í nálægð jarðar og voru bækur skrifaðar um áætlanir til að flytja jarðarbúa á brott í geimskipum vegna hættu á því að jörðin yrði óbyggileg.Í aðdraganda aldamótanna var einnig mikill hræðsluáróður í gangi um hvað gæti gerst þegar tölvur hrindu vegna þess að ekki var gert ráð fyrir nýrri öld í stýrikerfi þeirra.Í áratugi hefur verið klifað á því að eitthvað mikið eigi eftir að gerast árið 2012. Reynsla okkar af fótonbeltinu og aldamótunum ætti þó að hafa kennt okkur að vissulega geti orðið breytingar ef við veljum það en enn hafa endalokin ekki orðið að veruleika.Þegar Baba hefur verið spurður út í þetta þá hefur hann sagt: Það eina sem er öruggt að gerist árið 2012 er að vegabréfið mitt rennur út.Í síðasta bréfi hans til shamballa fjölskyldunnar ítrekar hann þetta og bendir jafnframt á að öll umfjöllun um 2012 í þá veru að eitthvað erfitt eða slæmt gerist er hluti af áætlun til að auka ótta og þegar ótti tekur völdin þá stöndum við ekki í eigin mætti.Við vitum flest að hver er sinnar gæfusmiður og við getum valið að vera hamingjusöm eða láta kærleika ráða ferð í lífi okkar eða láta ótta ráða för. Við höfum örugglega flest eða öll einhvern tíma upplifað að það sem við virkilega hugsum og sjáum fyrir okkur að gerist kemur fram í einhverri mynd.Leggjum okkur fram um að lifa í núinu og í kærleika og láta ekki ótta um að eitthvað sem gæti komið þér úr jafnvægi gerist í ókominni framtíð.