Ísreals ferð 4.hluti

16. nóvember

 

Þetta var slökunardagur. Við fórum reyndar á fætur klukkan 6 til að ná mynd af sólaruppkomu yfir fjöllum Jórdaníu og ná að sjá höfrungana koma inn í flóann. Reyndar mistókst hvort tveggja en ég náði alla vega yndislegri hugleiðslu þarna á ströndinni.

Ég var alltaf að minna mig á að vera einbeitt eða réttara sagt stilla hugann. Ég sá sjálfa mig í hópi fólks á Lemúríu tímanum þar sem verið var að slökkva á eða loka fyrir orkustaði og nú var kominn tími til að opna fyrir þessa orku og orkustaði á nýjan leik. Hópurinn var samankominn til að vinna það verk í sameiningu.Flestir úr hópnum fóru til að skoða hinn víðfræga Eilat stein eftir hugleiðsluna og var mikið verslað. Við Elli fengum okkur tvo litla steina sem henta vel í veskið.Hvað er nú þessi Eilat steinn? 

Hann er myndaður úr samruna chrysocolla, turquoise, malachite, azurite og cuprite. Orka eilat steinsins er friður. Renate Sperling segir að hann sé Kjarni eðalsteina. Hann kennir að hið stórkostlegasta markmið mannsins sé að lifa í friði og kærleika. Þessi steinn er einnig kallaðu steinn Salómons konungs og var tekinn úr námu hans sem er stutt frá Eilat.

 Litur steinsins er blágrænn og getur hann hjálpað til að hreinsa hjartastöðina. Hann er einnig mjög afeitrandi og hjálpar til við losun á áföllum. Diane Stein bendir á notkun hans til hjálpar við togstreitu er varðar kúgun kvenna. Hún mælir með honum til að bæta sjálfstraust og þróa innri vitund. Hann er einnig sagður fóstra stolt í konum og hvetja þær til sjálfsforræðis. Gurudi segir í bók sinni að steinninn hafi verið notaður á tímum Atlantis og Lemuriu vegna heilunar eiginleika.  Síðar um daginn voru goðsagnirnar bak við hið hebreska stafróf afhjúpaðar og fylltar lífi af Elli vinkonu okkar.