Námskeið um helgina

Nú er allt á fullu í undirbúningi fyrir námskeið helgarinnar. Áruhreinsanir fyrir þá sem hafa skráð sig og andlegur undirbúningur okkar tveggja sem sjáum um kennsluna.

Það er reynsla okkar að leið og nemandi skráir sig á námskeið fari vinna á innri sviðunum af stað. Draumfarir breytast oft og hreinsun fer í gang.

Það er því með sanni hægt að segja að þó námskeið sé sagt hefjast á ákveðnum degi þá er það aðeins hálf sagan.

Sama má segja um þá innri vinnu bæði meðvitað og ómeðvitað sem fer fram vikurnar eftir shamballa námskeið, þegar allar upplýsingarnar eru meltar og orkubreytingin festist í sessi.

Enn eru örfá sæti laus á námskeiðið og eins á námskeiðið norðan heiða á Akureyri sem hefst 18. maí.

kærleikskveðja og njótið nú veðurblíðunnar.