Meira um Shamballa.

Shamballa er kærleikur, lyklar að kærleiksorku sem við getum notað til að auka kærleikann í okkur, til að efla sjálf okkar og taka stórt skref í átt til þess að skapa okkur betra líf. Sem auka bónus geturm við aðstoðað okkur og aðra við að heila sig ef það er okkar/þeirra æðsti vilji. Því ekkert gerist ef bati er ekki í samræmi við lögmálið eða er ekki vilji okkar eigin sjálfsvitundar.

Kærleikurinn er lykillinn að öllu, hann umbreytir öllu og er í öllu. Hann er sterkasta orka sem til er. Lifið því í kærleikanum, verið kærleikur, kennið um kærleikann. Hann er ykkar sterkasta vopn, ykkar besta lyf.

Kristur sagði; Elska skaltu Drottinn, Guð þinn af öllu hjarta þínu af allri sálu þinni og af öllum huga þínum og náungann eins og sjálfan þig.

Og upphafið er hjá okkur. Fyrsta skrefið er að elska sjálf okkur til að við getum síðan geislað þeim kærleika til þeirra sem eru í kringum okkur.

Drottinn kærleikans.

“Þú heyrir Honum til þeim Eina mikla eins og kærleikur heyrir kærleika til-sem er sjálfur Hann. Hann verður þú að líta í öllum, allir eru Hann- Hann er allir. Hann er frelsari þinn og bróðir sem á hverju augnabliki gefur líf sitt til þess að þú færist nær þínu eigin Sjálfi. Kærleikurinn er andardráttur lífs Hans, með honum hjálpar Hann mannlegum hjörtum að leiða í ljós guðlegan mátt þeirra. Allur kærleiki er Hann- er opinberun af Honum. Kærleikur er eini vegurinn er nær til Hans-þess Eina sem er íklæddur kærleika. Allir geta náð til Hans ef viljinn er nógu sterkur. Trúðu á mátt Hans hina miklu hjálp Hans og lát ljós Hans skína sálu þinni og ljóma heiminum í breytni þinni og orðum. Hugsaðu ávallt um það hvað Hann mundi óska að þú gerðir. Ekkert sem ei er Honum samboðið má nokkru sinni koma frá þér né fara um þig. Elskaðu Hann af öllu lífi þínu- og lyft vitund þinni að kærleika Hans til þín. Send frá þér kærleika Hans með sama krafti og þú hefur fengið hann. Þá er þú elskar aðra elskar þú Hann. Ver viss um að fylgja kærleikshugsjón hans. Hann elskar hverja frumeind, hverja lifandi skepnu, hverja mannlega veru-skiftir engu hver hún er eða hvað hún gerir. Elskaðu alla að hætti Hans. Sérhver andardráttur þinn verður að flytja heiminum kærleika Hans”.

Já, þessi boðskapur á við um Shamballa. Skaparinn/Almættið/móðir-faðir Guð/uppspretta lífsins/Allah/JHWH eða hvaða nafn sem þú kýst að nota fyrir þann kraft sem hefur blásið lífi í þennan alheim hefur gefið okkur með aðstoð hins uppljómaða jarðar Meistara Germain lykla að kærleikanum til að hjálpa okkur að ná meiri þroska, og heila líkama og sál okkar og annarra.

Sú list að leggja á hendur er jafngömul og hæðirnar. Menn hafa gert það frá upphafi tíma. Það er náttúruleg eðlishvöt að leggja hendur þínar á þann sem hefur meitt sig eða líður illa. Mæður eru gott dæmi um þetta. Þegar barn meiðir sig leggur móðirin oft hendur sínar á hinn veika stað. Mannleg snerting flytur heilun, alúð og kærleika. Þessi orka er þekkt undir mörgum nöfnum. Ki í Kína. Prana í Indlandi, Rúak hjá gyðingum og Shamballa hjá Japönum.

Þessi orka er náttúruleg orka. Shamballa heilarinn hefur aðgang að þessarri orku á kraftmikinn hátt vegna þeirrar samstillingar sem hann hefur hlotið sem hreinsar burtu hindranir úr orkurásum líkamans. Samstillingarnar auka líka lífsorku heilarans og tengir persónuna við uppsprettu Shamballa orkunnar. Heilarinn getur kallað þessa uppsprettu hvað sem er, gyðju orkuna, Guð, uppsprettuna osfrv. Shamballa er ekki tengt neinum trúarbrögðum og því er ykkur heimilt að kalla það hvað sem þið viljið. Persónulega kalla ég það Móður/Föður Guð.

Samstillingin er ekki heilunar tími. Samstillingin skapar heilarann eftir fyrstu vígsluna. Þetta er þekkt sem Shamballa. Persónan hefur hlotið undraverða gjöf frá Uppsprettunni. Eftir að þú hefur hlotið fyrstu Shamballa vígsluna þarftu ekki annað en setja hendur á sjálfan þig eða annan og Shamballa orkan mun flæða.

Þegar þú byrjar að æfa þig gætirðu séð eða skynjað hluti sem þú hefur ekki gert áður. Sumir skynja meira en aðrir. Sumir skynja ekkert en miðla samt orkunni. Þú gætir orðið var við hita í höndunum. Það er eins og að vera tengdur við aðalstofn inntakið. Hvert sinn sem þú leggur hendur á sjálfan þig eða aðra flæðir orkan.

Shamballa er ekki einungis fyrir þá sem vilja verða heilarar. Það er einnig fyrir þá sem vilja verða heilir sjálfir. Shamballa samstillingin gerir þér kleyft að heila sjálfan þig, bæði andlega og líkamlega. Hún er mjög notadrjúg til að brjóta upp vana eða ánetjun til að heila hugar og tilfinningalíkama. Þeir sem þjást af slæmri heilsu eða andlegu ójafnvægi ættu að fá Shamballa samstillingu. Auðveldast er að nota innsæið og leggja hendurnar þar sem þær vilja fara. Ykkar æðra sjálf veit best hvar þörfin fyrir orkuna er mest hverju sinni.
Þetta gildir einnig um heilun annarra eða eins og Baba orðar það, að aðstoða við heilun annarra þar sem við erum aðeins hjálparstarfsmenn sem auðvelda þiggjandanum að ná tengingu við Guðsjálf sitt og alheimskærleikann. Er þú hefur hlotið vígslu er gott að senda sjálfri þér heilun daglega til að venjast orkunni og aðlagast henni og einnig gefa öðrum heilun.

Að nota Shamballa til að heila eitt vandamál leiðir oft til heilunar á öðru vandamáli. Oft finnur maður fyrir verk á einum stað meðan orsakanna er að leita annars staðar. Til dæmis er höfuðverkur oft orsök tilfinningalegs álags. Að heila höfuðverkinn heilar oft tilfinningarnar. Sem Shamballa heilarar ættum við að vita að flestir líkamlegir sjúkdómar eiga upptök sín í hugar og tilfinningalíkama okkar. Ef við tökum orsökina upp með rótum hverfa áhrifin. Sem heilarar ættum við að hvetja fólk til að tala. Með því getum við aðstoðað fólk við að uppgötva hver ástæða sjúkdómsins er. Við gætum heyrt hrikalegar sögur en ættum ekki að bregðast við þeim. Með því að vera sjálf kærleikur umbreytum við ótta orku í kærleika. Það sem er átt við er að við veitum þeim kærleiksríkan stuðning og sýnum þeim samhygð. Með því að leyfa þiggjandanum að fara í gegnum sinn eigin feril leyfum við honum að finna út hvað er rangt. Þetta gæti jafnvel verið úr fyrra lífi. Ef persónan verður mjög tilfinningarík og þú ert ekki vön/vanur að eiga við slíkar aðstæður skaltu kalla inn Shamballa leiðbeinandann þinn þér til aðstoðar. Vertu róleg/ur , alheimurinn lítur eftir þér. Er þiggjandinn hefur losað um tilfinningastífluna mun hann hafa aukið þroska sinn mikið. Annað sem við verðum að gera okkur grein fyrir sem Shamballa heilarar er að ekki er alltaf hægt að heila fólk, vegna þess að sjúkdómurinn gæti verið hluti af sálar tilgangi þeirra í þessu lífi. Dauði er yfirleitt ekki eins átakanlega erfiður eins og fæðing. Nútíma þjóðfélag reynir að afneita því að dauði gerist alls staðar. Það heldur að ef það afneitar dauðanum , hverfi hann. Dauðinn gerist allst staðar, daglega. Þú verður að gera þér grein fyrir að dauðinn er aðeins umskifti. Á þessum tímum er hægt að komast hjá líkamsdauða með uppljómunarferlinu. Það er sá ferill að verða ljós og geta verið vakandi og með vitund um víddar breytingu. Eða öllu heldur það ferli sem fer í gang er við tökum meira og meira ljósmagn niður í gegnum orkukerfi okkar og líkama, niðurstig andans í efnið. Því er mikilvægt að vera vel jarðtengd hér í þessu lífi.

Stundum gerist það að fólk lokar fyrir heilun. Þetta gerist oft þegar það trúir ekki á hana. Þú verður alltaf að spyrja fyrst hvort þeir vilji þiggja heilun og jákvætt svar þýðir yfirleitt að þeir séu opnir fyrir því. En það getur líka verið að þeir séu kvíðnir og í því tilfelli mun kærleiksrík umhyggja fljótt losa þá hindrun. Mundu að það er alfarið í höndum þiggjandans hvort hann kýs að verða heill eður ei.

Shamballa róar og endurnýjar. Sumir myndu segja að Shamballa gæti ekki endurnýjað tapaðan útlim eða umbreytt fæðingargöllum. Ég segi að það takmarki kerfið. Ef það er ekki val sálarinnar að upplifa slíkar þjáningar í þessu lífi þá segi ég að við getum umbreytt því. Með aðstoð Uppsprettunnar er allt hægt. Lögmál sköpunarinnar er heilleiki og heilleiki er kærleikur. Shamballa er kærleikur svo þú skalt ekki takmarka þig. Framkvæmdu hverja heilun með útkomuna fasta í huga þér. Útkoman er að sjálfsögðu heilleiki í samræmi við hinn Guðlega vilja hver sem hann er. Ef þú leitar ávallt eftir útkomu í samræmi við hinn Guðlega vilja muntu komast að raun um að þú getur greitt fyrir heilun á hverju sem er jafnvel því sem er sagt að muni draga til dauða.

Ekki hafa áhyggjur af því að þú yfirtakir sjúkdóma annarra því ef þú vinnur með Shamballa leiðbeinendum þínum og Uppsprettunni mun það ekki verða. Því meiri heilun sem þú gefur því meira heilast þú. Haltu þér við lífsreglurnar fimm og ekki skipta þér af trúarskoðunum annarra og gangtu til þjónustu í kærleikanum. Leyfðu sjálfum þér að sleppa og leyfa Shamballa orkunni að gera afganginn. Leyfðu töfrunum að koma inn í líf þitt og vertu einn með Uppsprettunni. Því meir sem þú sleppir því meira mun flæða.

Aldur er engin hindrun fyrir Shamballa. Ungbörn geta hagnast á vígslu og þau hefja líf sitt á vegi þjónustunnar. Eldri borgarar geta hagnast á vígslu með því að þeir geta heilað sjálfa sig og aðra. Shamballa er ekki aðeins fyrir þá sem vilja heila aðra. Það er fyrir alla. Að vera samstilltur Uppsprettunni færir heilleika.