Shamballa MDH sögur frá Indónesíu

Hvernig Shamballa MDH kom til Indónesíu?
Eftirfarandi var ritað 2004 um það sem var að gerast í Indónesíu á þeim tíma.

Shamballa MDH (fjölviða heilun) var fyrst kennt í Indonesíu af Barbara Kavanagh, Jim Meighs og Dawn Palmer árið 2001 en Barbara lærði Shamballa af John Armitage 1998. Snemma árs 2002 ferðaðist John Armitage/Hari Babba til Indonesíu til að kenna Shamballa 12D. Stórkostlegir hlutir hafa gerst síðan þetta var og shamballa fjölskyldan stækkar hröðum skrefum. Sett hefur verið á fót heilunarmiðstöð í Surabaya þar sem veitt er heilun án endurgjalds og hómópata lyfjum og hrifkjörnum (vibrational essences) útdeilt. Það var Hartono sem gerði þetta mögulegt með útvegun á húsnæði fyrir miðstöðina. Tvisvar í viku er miðstöðin opin þeim sem eiga við sjúkleika að stríða og eru fjölmargir heilarar sem gefa vinnu sína.
Einnig eru haldin shamballa námskeið fyrir sjúka án endurgjalds til að gefa þeim tækifæri til að heila sig sjálfir og standa þannig í eigin mætti með hjálp almættisins.

Shamballasjóðurinn:
Markmið Shamballa sjóðsins er að shamballa kennarar verði til staðar í allri Indonesíu og fleiri heilunarmiðstöðvar verði settar á fót. Yfirstjórn sjóðsins er Shamballa MDH sjóðurinn sem stofnaður var af Stórmeistara Shamballa, John Armitage og var heilunarmiðstöðin í Surabaya fyrsta verkefni sjóðsins. Þrír shamballa 12D meistarar og hómópatar gáfu stöðinni tæki til að margfalda hómopatalyf og shamballasetrið á Íslandi gaf stöðinni safn hrifkjarna.

Sjóðurinn byggist að mestu á frjálsum framlögum frá shamballa fjölskyldunni en allir þeir sem hafa fengið shamballa vígslu teljast til fjölskyldunnar hvort sem þeir eru virkir meðlimir/heilarar eða ekki. Draumur John er að þeir sem minna mega sín geti einnig lært að standa í eigin mætti eins og hinir sem lifa við meiri lífsgæði.

Ir. Hartono Nugroho email: [e-mail]

Sögur frá Indónesíu

Eftirfarandi frásagnir koma frá Hr Hartono Nugroho sem er forsvarsmaður Shamballa MDH í Surabaya, Indónesíu.

Nöfnum hefur verið breytt af tillitsemi við viðkomandi aðila.

Það var í byrjun Nóvember 2002 sem Hartono fór að segja frá öllu því stórkostlega sem er að gerast í heimalandi hans og nú í byrjun janúar er þetta er skrifað virðast hlutirnir vera farnir að gerast enn hraðar. En gefum Hartono nú orðið.

1. Kæri bróðir, Undarlegir hlutir eru að gerast. Skyndilega hafa 3 velþekktir seiðmenn heilarar og kennarar heiðrað mig og ég sem hef aldrei hitt þá áður. Þeir segjast hafa fengið Guðlega leiðsögn og hver og einn þeirra sendi mér nemendur sína með blessun í formi helgra gjafa og þeir hafa beðið um að hljóta blessun mína tilbaka og að ég efli þá úr fjarlægð. Þeir segja að ég sé andlegur bróðir þeirra. Ljósið skín, segja þeir. Þeir eru allir velþekktir fyrir andlega hæfileika sína. Þetta eru aldraðir menn á bilinu 80-120 ára gamlir. Ég veit ekki hvað gengur á en það lítur út fyrir að eitthvað mikið sé á seyði. Með kærleika Hartono

2. Kæru vinir. Fyrir nokkrum vikum síðan veitti ég 4 vinum fría shamballa vígslu. þeir eru allir múslamskir heilarar og einn þeirra er seiðmaður, heilari og töfralæknir. Þetta fólk gefur heilun daglega og hjálpar hundruðum eða jafnvel þúsundum sjúklinga í hverjum mánuði. Þeir komu aftur til mín í gær. Þeir eru svo undrandi á hversu vel shamballa virkar. Þeir sögðust venjulega hafa þurft 1-2 klukkustundir til að heila fólk en nú eftir að þeir fengu shamballa vígsluna þurfa þeir ekki nema 10-15 mínútur. Einn af þeim hafði verið klíkuforingi í þorpinu sínu en eftir að hafa fengið shamballa vígsluna og opnun fyrir mahatma kærleikann hefur líf hans breyst. Núna er hann shamballa ljósberi, hann er kærleikur og hefur snúið öllum í klíkunni sinni til kærleikans. Þorpið hans er því orðið friðsælt og er án ótta við klíkur og svarta galdur. Þorpsbúar eru því mjög hamingjusamir og þakka Shamballa. Ég heyrði nýlega að annar klíkuforingi í nærliggjandi þorpi hafi boðið honum til sín til að spyrjast fyrir um þennan breytta lífsstíl. Við munum fljótlega heyra hvernig það fer.
Jæja, ég held að þetta sé gott mál, Shamballa vex og breiðist út um þorpin og heilar og breiðir út kærleikan til margra sem eru með litla eða enga innkomu til lífsviðurværis. Með kærleika Hartono

3. Kæru vinir. Áfram heldur sagan um Shamballa í kærleika. Í kvöld kom fyrrum klíkuforinginn Kalli til mín. Í síðasta bréfi sagði ég ykkur frá því að annar klíkuleiðtogi frá nágranna þorpi hafi beðið Kalla að hitta sig.Hann vissi ekki ástæðuna, hvort þeir vildu vita ástæðu hins breytta lífsviðhorfs Kalla eða kannski að efna til bardaga við hann þar sem bardagar milli klíka eru algengir. Þegar hann spurði mig ráða nokkrum dögum áður sagði ég honum að óttast ei og senda Kærleika til þeirra. Svo komu Tun og vinur hans heim til Kalla með það í huga að berjast við hann. En kraftaverk gerðust. Tun var sleginn í höfuðið af ljósveru áður en hann komst upp að húsinu. Ljósveran hvarf síðan. Þeir sneru frá. Nokkrum dögum síðar komu þeir aftur til Kalla og báðu hann afsökunar. Þeir sögðu frá því hvernig þessi ljósvera hefði slegið þá vegna hins neikvæða ásetnings. Þeir vildu nú gerast vinir Kalla og spurðu hann afhverju og hvernig hann hefði breyst svo mjög og einnig hver kennari hans hefði verið. Þeir urðu hamingjusamir þegar Kalli viðurkenndi fyrir þeim að hann væri Shamballa vígður og þegar þeir fóru heim sögðust þeir muni snúa aftur og fræðast meira um þennan Kærleika sem Kalli notaði daglega til að hjálpa öðru fólki. Kalli var líka mjög hamingjusamur, nú þegar hann er Ljósið á svæði sínu, fleiri sjúklingar leita til hans vegna sjúkleika og veraldlegra vandamála. Á morgun mun Kalli koma með mér á heilunarmiðstöðina og ég mun kynna hann fyrir hinum í heilara hópnum og mun segja þeim frá reynslu sinni.
Shamballa Á, kærleikur til allra, Hartono.

4. Kæru vinir. ég er hér enn og aftur.
Í gærkvöld komu Kalli, Hermann múslimski heilarinn og frændi hans með mér á heilunarstöðina. Eftir að við höfðum lokið við að heila sögðu þeir okkur hinum frá reynslu sinni. Allir klöppuðu fyrir þeim. Ein frásögnin frá fyndin en styrkti sjálfstraust okkar.

Siggi, frændi Hermanns er 23 ára gamall og ókvæntur. Hann er “óæðri” mannvera. Hann missti allt sjálfstraust á unga aldri þar sem hann er dvergvaxinn, einungis 130 sm að hæð. Hann þorði ekki að ræða við fólk, horfði alltaf niður þegar hann talaði við aðra. Stúlkur hæddust að honum svo hann varð mjög feiminn við kvennmenn. Engar stúlkur vildu nálgast hann.
Þegar ég vígði hann fyrir um mánuði síðan skynjaði ég mátt vígslunnar. (Guð blessi hann). Síðan þá hefur hann æft heilun ásamt Hermanni sem hefur stundað múslimska heilun í nokkur ár. Það kom strax í ljós hvílíka heilunarhæfileika Siggi hefur og árangurinn lét ekki á sér standa. Hermann varð mjög glaður og fékk Sigga til að verða aðstoðarmann sinn. Þegar við vorum þarna og hlustuðum á Sigga var hann fullur af sjálfstrausti þó hann væri að tala fyrir framan hóp af sér eldri og reyndari . Hann viðurkenndi að Shamballa orkan sé mjög kröftug og eftir vígsluna hafi hann fundið sjálfan sig aftur og hann fyllst sjálfstrausti.
Áður vildi engin stúlka líta við honum en nú koma stúlkur úr nágrenninu í heimsókn til hans á hverju kvöldi og hann hefur nú þegar eignast kærustu. Þökk sé Guði. Nágrannarnir eru hissa og spyrja hvað hafi eiginlega komið fyrir Sigga sem olli þessarri stórkostlegu breytingu.

Shamballa á í Kærleika, Hartono.

5. Sagan heldur áfram. Kalli kom til mín í gærkvöldi. Ég hafði gefið honum tvo kristal hringa síðast sem ég hafði forritað til að miðla Guðlegu ljósi og kærleika og beðið hann að gefa Tun og félaga hans. Kalli sagði mér frá því að Tun og félagi hans hafi komið eitt kvöld til að læra um Kærleikan og Ljósvinnu og hafði hann gefið þeim hringana. Leið og þeir settu hringana á fingur sér sá Kalli kærleikan skína úr augum þeirra. Það var fullkomin uppgjöf í Kærleika. þeir gerðust fóstbræður Kalla. Hvílík Blessun.
En þá kom annar vinur þeirra Ari. Hann var ekki ánægður þar sem vinir hans höfðu fengið hringa en ekki hann. Kalli hafði ekki nema þessa tvo hringa svo ég lét hann hafa enn einn forritaðan til að miðla Guðlegu ljósi og kærleika. Tun þorpið er að byrja að nálgast frið en við sjáum hvað gerist eftir að þriðji hópleiðtoginn fær hringinn.
Í kærleika Hartono

6. Kalli kom aftur til mín og sagði mér frá því að hann hefði gefið Ara hringinn og á sama hátt og áður hefði augu hans lýst af kærleika í fullkominni uppgjöf. Svo 4 klíku leiðtogar frá tveimur þorpum höfðu nú gerst fóstbræður og munu breiða út kærleika í þorpum sínum sem eru nú laus við ótta vegna klíkuhópa. Áður voru þessi tvö þorp talin til hættulegri staða á svæðinu vegna glæpa og hótana. Glæpir voru framdir þar daglega. Í dag mun ég vígja alla þessa menn inn í Shamballa og vonandi mun kærleikurinn breiðast út til þúsunda manna í nágrenni þeirra. Allir höfðu þeir verið góðir heilarar/töfralæknar og einnig gangsterar en nú eru þeir Kærleikur og Ljós.

Kalli sagði mér líka að á hverju kvöldi þegar hann fer í hugleiðslu sjái hann mig þar sem ég er að kenna honum um kærleikann og ljósið.........UMMM????Skrýtið!
Skilaboð frá P. Warok borginni (borg sem er fræg vegna Warokkanna sem eru innfæddir striðsmenn og góðir töframenn). Warok leiðtoginn hefur tilkynnt fólki sínu að ég sé Stórmeistari þeirra, váaaaaaaaaa. Ég kann enga töfra en þeir segjast sjá mig eteriskt og nú leiðbeini ég þeim í átt til Kærleika og hjálpi þeim aftur Heim....... ég er aðeins ruglaður í ríminu.......Jæja, kærleikurinn flæðir óhindrað. Hartono.