Hreinsun á orkusviðinu fyrir shamballa námskeið

Nú styttist í næsta shamballa grunn námskeið hjá okkur og ekki úr vegi að skýra aðeins fyrir ykkur hvernig undirbúningi er háttað.

Til að aðstoða nemendur okkar við að meðtaka hina háu kærleiksorku gerum við það sem ég kalla stundum jólahreingerningu. Það er áruhreinsun að hætti Carol Hathor sem hún kallar sálnavisku áruhreinsun.

Þetta gerum við úr fjarlægð og í samvinnu við guðs sjálf viðkomandi.

Hér er smá lýsing á því sem gert er.

Áruhreinsun

Uppbygging líkama okkar og raunveruleiki þ.e. hvernig við upplifum lífið á sér stoð í viðhorfum, skoðunum og tilfinningum sem hafa í gegnum öll okkar líf verið skráðar sem almyndir (hologram) í DNA og sálarminni okkar. Þetta eru hinir segulmögnuðu kraftar sem laða að sér eða hrekja á brott þeirri reynslu sem er möguleg, samböndum við aðra og hvaða augum við lítum heiminn. Líf okkar byrjar að breytast og blómstra eftir að mikilvægar hindranir og óæskileg viðhengi sem eru mynduð af viðhorfum, skoðunum og ákvörðunum sem við höfum ómeðvitað haldið í gegnum þúsundir ára, hafa verið fjarlægð úr hinum “óséðu” eða fíngerðu orkulíkömum.

Viðskiptavinir hafa greint frá mörgum breytingum á lífi sínu innan árs frá hreinsuninni. Sumir fá nýja vinnu, flytja á nýjan stað, stofna til nýrra sambanda og áþján þeirra við fólk, staði, tíma og atburði fer að minnka eða hverfa.

Um sálnavisku áru hreinsun.

Eðlisfræðingar hafa uppgötvað að við lifum í almyndar heimi. Líkaminn er líkamleg myndgerð af almyndar mynstri samkvæmt DNA erfðaefni okkar. Það er kóðað fyrir atgerfi okkar en einnig viðhorfum, skoðunum og tilfinningum á öllum 7 plönum vitundarinnar samkvæmt skráningu sálarinnar. Það er einnig skráð á öllum hinum 7 fínni líkömum okkar þar með talið hinum efnislega líkama.
Efnislíkami og lífsreynsla persónu (raunveruleiki persónu) á rætur sínar í almyndar skráðum viðhorfum, trú og tilfinningum vegna þess að þetta eru segulmagnaðir kraftar sem draga að sér eða ýta í burtu mögulegri reynslu, samböndum við aðra og draga upp mynd af veraldarsýn okkar. Með því að fjarlægja óæskileg viðhengi og hindranir úr hinum fínni orkulíkömum sem standa fyrir þúsunda ára skoðunum, viðhorfum, ákvörðunum ofl. sem við höfum haldið ómeðvitað byrjar líf persónunnar að breytast og blómstra.

Við byrjum hreinsunina á því að endurtengja sálarsjálfs-sjálf strenginn. Það er ofinn almyndarstrengur sem liggur inn í prana rásina og tengir sálarorkuna við Guðs-Máttinn eða Uppsprettuna. Mörg okkar tóku þá ákvörðun af ýmsum ástæðum, fyrir mörgum líftímum síðan að eiga ekki samneyti eða samband við okkar sanna sjálf eða Guðs sjálf.
Við höfum upplifað hið mannlega drama í árþúsundir og flest okkar tóku þá ákvörðun að eiga ekki samband við sjálf okkur vegna mikilla áfalla eða erfiðra atburða.

Við upphefjum allt samkomulag sem stoppar þig frá því að vera í sambandi við sálar sjálf þitt. Þegar þessar hindranir eru fjarlægðar endurtengir Guðsjálf þitt sjáflkrafa sálar-sjálf-sjálfs strenginn. Þetta er fyrsta þrep hreinsunarinnar þar sem það styrkir lífskraftinn í líkamanum og bætir samspilið milli hinna 7 fínni orkulíkama.

Ábúendur.
Við skönnum ljóslíkamann á kerfisbundinn hátt þar sem við greinum hulda og upprunalega ábúendur og minni hugform sem tengjast þeim. Við fjarlægjum þá alla. Ábúandi er hugform sem heldur að hann eigi líkamann og hindrar þroska eða þróun persónunnar. Þessi hugform geta stundum haft mjög sterk segulsvið sem draga að sér óæskilega reynslu og sambönd. Hreinsun þeirra er algjört forgangsverkefni þar sem ábúendur trufla annars óhindrað flæði reynslu eða upplifana. Þeir fara oft inn í orkustöðvar líkamans þegar veikindi, áföll eða álag á sér stað. Við skönnum frá fæðingu til 18 ára aldurs, eitt ár í einu og fjarlægjum eftir því sem við finnum.

Þegar ábúendurnir eru farnir muntu líklega finna fyrir meiri frið og ró innra með þér. Þú munt einnig taka eftir að líf þitt flæðir í betra samræmi við sálar tilgang þinn. Þetta mun þér verða betur ljóst eftir ár eða svo frá hreinsuninni..

Hlið og örsvarthol.
Við skönnum næst fyrir hliðum sem er opnun í einni eða fleiri orkustöðvum sem virka eins og loftrými fyrir hugform annars fólks. Við finnum þau hjá fólki sem vill heila sársauka og þjáningar annarra (meðvitað eða ómeðvitað) með því að taka við byrðum annarra......hin óæskilegu hugform sem verða til vegna ómstríðra tilfinninga. Hlið eiga það til að skapa heilsuvandamál og tilfinningaleg áföll. Við lokum öllum hliðum sem við finnum og umbreytum öllum samningum, tilvistum, ígræðslum osfrv sem tengjast þeim. Við umbreytum einnig örsvartholum sem eru mjög svipuð hliðum. Þau draga að sér hugform annars fólks en dulskyggnir sjá þau sem mjög þétt, svört korn eða depla.

Þegar þetta er farið muntu ekki lengur draga að þér ómstríð hugform sem slík hlið og örsvarthol eiga til að draga að sér.

Ormaholur.
Við fjarlægðum og umbreytum einnig ormaholum sem eru orkugöng sem draga lífsorku persónunnar inn í gamla karma samninga í fortíðinni. Sálar orka persónunnar er sótt aftur þegar ormaholunni og samningunum er umbreytt.

Þegar búið er að fjarlægja hverskyns viðhengi eða annað koma sálnabrot til baka og endur samlagast ljóslíkamanum. Sálarorka er uppsprettuorka hinna ýmsu samninga. Þegar viðhengi er fjarlægt og samningar sem tengjast þeim upphafnir sameinast sálarorkan sem við höfðum áður gefið til þessarra samninga ljóslíkamanum sjálfkrafa. Stórkostlegt er það ekki?

Þetta sést sem regnboga baugar umhverfis orkusvið persónunnar meðan á áruhreinsun stendur. Þetta gæti leitt til þess að þú hafir meiri orku á eftir.

Sálnafjölskyldu meðlimir.
Sálnafjölskyldu meðlimurinn er sál sem við elskum svo mikið að við viljum að hún deili með okkur líkamanum. Þetta er ekki viturlegt..... það er eins og að finna einhvern til að halda í hendina á við uppljómunina. Uppljómun og sálnaþroski er persónuleg og einstaklingsbundin. Þú getur ekki náð þessu áfanga fyrir aðra. Sálnafjölskyldu meðlimur getur orsakað að viðhengi sem fjarlægt hefur verið snúi til baka vegna viðhorfa þess. Takmark áru hreinsunnar ætti ávallt að ná fullri stjórn á líkamanum.

Við söfnum saman sálnafjölskyldu meðlimunum og fjarlægjum öll viðhengi frá þessum verum. Við útskýrum fyrir þeim að það sé kominn tími til fyrir persónuna að standa í eigin mætti og að þeir geti snúið til ljóssins og tekið sjálf ákvörðun um hvort þeir vilji endurholdgast eða ekki. Þeir eru mjög þakklátir fyrir þennan möguleika og hverfa auðveldlega á braut.

Undir lok hreinsunarinnar þegar öllu hefur verið viðsnúið og ekkert er lengur virkt köllum við inn almyndir til að færa heilun hvar sem hennar er þörf allt frá minnstu eindum líkamans til hærri vídda. Við óskum eftir nýjum formum (templates) sem eru réttar fyrir ljóslíkama persónunnar, til að endurheimta sálnabrot, aðlaga orkubrautir osfrv. Það er margt sem gerist í lokafasa hreinsunarinnar og allt gerist það í miklum hraða. M.a. lita og orku iður í ýmsum geometriskum formum sem fara inn í hverja frumu.

Þú munt glóa í lok slíkrar hreinsunnar!