Fylgdu hjartanu, auktu innri styrk.

Það er fátt sem jafnast á við að fylgja eigin ástríðu og vera í takti við hjartað. Það fylgir því alltaf mikil eftirvænting að hitta nýjan hóp fólks sem er tilbúið að taka risa orku og þróunarstökk í andlegum málum. Fólk sem er tilbúið að auka innri styrk, standa með sjálfum sér í daglegu lífi og hleypa meiri og enn hreinni kærleika að. Í dag hef ég verið að undirbúa slíkan viðburð með því að framkvæma áruhreinsun hjá þeim sem skráðir eru á shamballa grunn námskeið í Orsa í febrúar. kærleiks og hjarta tengingin sem næst er einstök og gefur fyrirheit um yndislega helgi þar sem gleði og kærleikur mun ráða ríkjum.

Við getum öll alltaf bætt innri styrk og ekkert afl er til í alheimi hér sem er kærleikanum yfirsterkara. Kærleikurinn færir okkur frelsi, vellíðan, gleði, samúð, tryggð og getur umbreytt öllu því ómstríða erfiða sem við stöndum frammi fyrir í daglegu amstri.

Ert þú tilbúinn að taka stökkið? Þú ert velkomin að fylgja í fótspor milljóna jarðarbúa sem þegar hafa sótt shamballa námskeið. Næsta námskeið í Mosfellsbæ verður síðustu helgina í janúar. Skráðu þig núna.