Göngu hugleiðsla

Hugleiðslur geta verið af ýmsum toga. Sumar eru leiddar, aðrar eru framkvæmdar í þögn, enn aðrar eru fólgnar í hlustun á tónlist og svo má ekki gleyma þeim sem fara fram út í guðsgrænni náttúrunni.

Ég var að koma úr einni slíkri nú í vikunni. Um var að ræða þriggja daga göngu um Kerlingafjöll. Kerlingafjöll liggja innan geysi sterkra orkulína sem liggja frá Hofsjökli suður til Mýrdalsjökuls.

Þar þarf ekki annað að gera en vera til staðar og njóta. Ólýsanleg gleði og hamingja fyllir hverja frumu og nær óþrjótandi orka er til staðar til að vera úti og ganga allan daginn ekki síst í veðri eins og við fengum.

Fjölskrúðugar náttúruverur sýna sig og slást í för og steindir glitra í allri sinni dýrð. Mest áberandi er hrafntinnan sem er mér mjög kær enda er hún fyrir mér ákaflega kröftugur hreinsunar steinn, verndandi og heilandi.

Njótið nú sumarsins og alls þess besta sem landið okkar hefur upp á að bjóða.

kærleikskveðja
Lilja