Shamballa MDH grunnur 15.-16.október

Góðan daginn kæru vinir
Nú er Heimsljósahátíðin að baki með öllum sínum kærleika og gleði.

Það má segja að hátíðin sé aðeins byrjun á mögnuðum vetri.

Fullbókað er hjá okkur í þróunarhringinn í vetur og verður spennandi að takast á við þetta nýja verkefni.

Fyrir þá sem virkilega vilja taka stökk í leit sinni að ljósi og innri friði geta þó hlakkað til Shamballa mdh grunn námskeiðsins sem við verðum með í október.

Um er að ræða 2 daga námskeið þar sem farið er í fjölmargar hugleiðslur og lífspeki ásamt mögnuðum opnunum til sterkari tengingar við alheims kærleikan og ljósið.

Þeir sem farið hafa í gegnum námskeiðið hjá okkur hafa staðfest hversu kröftugt það er og vitum við um reiki vígða einstaklinga sem finna mikinn mun á þeim krafti og orku sem í gegnum þá fer fyrir utan breytinguna á innri líðan sem er lang mikilvægust.

Grunn námskeiðið er góður grunnur fyrir þá sem lítið hafa kynnt sé andleg fræði enda förum við vel í jarðtengingar, orkuflutning og einfaldar æfingar.

Einnig geta þeir sem farið hafa í gegnum grunninn haldið áfram og lært Shamballa mdh 13D sem er 4 daga námskeið þar sem ljóslíkaminn er virkjaður og hreinsaður enn frekar.

Þú getur skráð þig á grunn námskeiðið með því að senda tölvupóst á [e-mail]

kærleikskveðja
Lilja Petra og Elli