Líkaminn er almynd og við lifum í almyndar heimi

Eðlisfræðingar hafa uppgötvað að við lifum í almyndar heimi. Líkaminn er líkamleg myndgerð af almyndar mynstri samkvæmt DNA erfðaefni okkar. Það er kóðað fyrir atgerfi okkar en einnig viðhorfum, skoðunum og tilfinningum. Efnislíkami og lífsreynsla persónu (raunveruleiki persónu) á rætur sínar í almyndar skráðum viðhorfum, trú og tilfinningum vegna þess að það eru þeir segulmögnuðu kraftar sem draga að sér eða ýta í burtu mögulegri reynslu, samböndum við aðra og draga upp mynd af veraldarsýn okkar.

 

Í hverju lífi sem við göngum í gegnum verðum við fyrir ýmsum tilfinningalegum áföllum sem áður nefndir segulkraftar geta dregið til sín. Innibyrgð reiði, særindi, beiskja, sorg, missir ofl.  á það til að safnast fyrir og valda síðar líkamlegum sjúkdómum. Líffæri okkar geyma minningar um áföll og togstreitu og bregðast við þeim til að hjálpa okkur að takast á við þá reynslu. Líkaminn gerir aldrei mistök, hann er mjög rökréttur í viðbrögðum og við þurfum aðeins að læra að skilja táknmál hans til að geta tekist fyrr og betur á við þá fjölmörgu óvæntu atburði sem lífið býður okkur uppá.

 

Shamballa fjölvíða heilunartækni er gríðarlega sterk  kærleiks og heilunarorka sem róar og endurnýjar huga og líkama.

Sú list að leggja á hendur er jafngömul og hæðirnar. Menn hafa gert það frá upphafi tíma. Það er náttúruleg eðlishvöt að leggja hendur þínar á þann sem hefur meitt sig eða líður illa. Mæður eru gott dæmi um þetta. Þegar barn meiðir sig leggur móðirin oft hendur sínar á hinn veika stað. Mannleg snerting flytur heilun, alúð og kærleika.

 

 Kærleikurinn er lykillinn að öllu, hann umbreytir öllu og er í öllu. Hann er máttugasta orka sem til er.

Kristur sagði; Elska skaltu Drottinn, Guð þinn af öllu hjarta þínu af allri sálu þinni og af öllum huga þínum og náungann eins og sjálfan þig.
Og upphafið er hjá okkur. Fyrsta skrefið er að elska sjálf okkur til að við getum síðan geislað þeim kærleika til þeirra sem eru í kringum okkur. En oft eru hindranir í vegi okkar, hindranir sem hafa fylgt okkur óralengi og við ráðum ekki meðvitað við.

 

Með því að fjarlægja óæskileg viðhengi og hindranir úr hinum fínni orkulíkömum sem standa fyrir þúsunda ára skoðunum, viðhorfum, ákvörðunum ofl. sem við höfum haldið ómeðvitað byrjar líf þitt að breytast og blómstra. Slík hreinsun ryður einnig leiðina fyrir kærleiksorku Shamballa til að komast þangað sem hennar er mest þörf og æðra sjálf þitt óskar eftir og áhrif shamballa kærleikans verða sterkari.

Bartek hin vísa eik

Fyrir 11 árum síðan ferðuðumst við hjónin ásamt tveimur barna okkar til Póllands þar sem tóku á móti okkur ágætir vinir og sýndu okkur markverða staði og fyrirbæri. 

Meðal annars sýndu þau okkur mörghundruð ára gömlu eik sem ber nafnið Bartek.Þar hefur ýmislegt gengið á, eldingum slegið niður svo hún klofnaði, þungar greinar hennar ná ekki að halda sér uppi án hjálpar og þarna hafa farið fram ótal athafnir.

Margir koma ár hvert til að líta þetta 700 ára gamla tré augum.http://en.wikipedia.org/wiki/Bartek_(tree) 

Umhverfis eikina er grindverk.Er við komum á staðinn tengdi ég við vitund trésins og hreinsuðum við Elli síðan orkuna þarna og settum niður með leyfi hennar, eteríska kristalla til að auka aðgang að alheimsljósinu og kærleikanum. 

Eftir að við komum heim bjó ég til blómadropa með orku Bartek en einnig fékk ég Björk vinkonu til að tengja við tréið og þá vitund sem þar býr.

Blómadropana er hægt að fá hjá mér í Hamingjulindinni. 

Eftirfarandi eru upplýsingarnar sem hún fékk. 

Ég skynja mikla hlýju jafnvægi og ró. Einnig er einhver með þessari orku ég er ekki viss hver það er. Jú, ég sé gamlan mann með sítt mikið skegg hvítt og hann er í brúnum kufli.Hann hefur mikið fram að færa mikla visku.

Nú brosir hann svo fallega með sínu yfirvegaða hvað segir maður  persónuleika eins og hann hafi ekkert að æsa sig yfir hann hafi reynt þetta allt. Hann vill þakka ykkur kærlega fyrir hreinsunina hann hafi beðið um hjálp og fengið ykkur og er mjög þakklátur að orkan sem hann sér sem ljós skuli hafa sent svo miklar ljósverur til að hjálpa sér við að koma réttu jafnvægi á aftur svo hann geti unnið verk sitt aftur af eins miklum krafti og hann hafi gert hér áður  hann segist hjálpa fólki til að láta draumana rætast. Það er hægt að heita á eikina.

 Hann veitir ykkur hverju og einu ykkar eina ósk og biður ykkur að hugsa óskina vel og einbeita ykkur að ljósinu því oft hafi óskir mannfólksins valdið honum vonbrigðum en samt sem áður mun hann veita hana hver sem hún verður  hann segist halda að í þetta skiptið verði óskirnar vel notaðar og eins langar hann að benda á að hann væri alveg til í að hafa meira að gera svo endilega látið aðra vita af vitund hans  hann veit það og segist geta hjálpað til við erfið veikindi og að hann geti hjálpað til með ýmislegt annað hann er mjög fjölhæfur hann kemur frá einhverri stjörnu.  

Hann segir að fólkið hans hafi ákveðið að koma hingað til jarðarinnar til að hjálpa móðir jörð til að halda jákvæðri orku með því að búa í trjánum hér á jörðu og vinna með fólkinu til að auka orku þess hann segist vera af einum þjóðflokk sem fólk kallar díva eða álfa allt eftir hvar það er statt    

Miðlun gegnum Björk Ingadóttir shamballa meistari haustið 2000