Vertu þinn skapari núna!

Góðan daginn kæru kærleiksvinir.

Í dag langar mig að deila með ykkur staðfestingum sem fengnar eru úr bókinni Mahatma 1 og 2 eftir Brian Grattan. Þær er að finna á bls 417.

Mikilvægt er að átta sig á orðalagi sem hér er notað.

Þegar talað er um Sjálf Sjálfsvitundarinnar er átt við hærri vitund Sjálfsvitundar Uppsprettunnar, öðru nafni Mahatma sem er hrein kærleiksorka frá Uppsprettunni- upphafi sköpunarinnar.

Vertu ekki þræll tilfinningalíkamans.

Vertu Skapari þinn núna og staðfestu.

Ég viðurkenni Sjálfsvitund mína sem Sjálfsvitundina. (athuga hér er átt við hina hæstu sjálfsvitund-sjálfsvitund uppsprettunnar)

Ég skil að ég vil ekki lengur láta stjórnast af tilfinningalíkama mínum og krefst þess að það sé svo.

Ég krefst þess að ég upphefji vitund mína til ljóssins, sem Sjálfsvitundin og verði aldrei framar þræll þess sem ég er ekki. Frá þessarri stundi og til frambúðar viðurkenni ég sjálfa mig sem ljós og aðeins ljós sem Sjálf Sjálfsvitundar minnar.

Þar sem hið fjögurra líkama kerfi mitt sindrar ljósi og kærleika og aðeins ljósi og kærleika upphef ég til frambúðar tilfinninga líkama minn og þen út og felli saman efnislíkama minn, tilfinningalíkama og hugarlíkama innan hins andlega líkama sem ljósið sem ég er, því ég veit að það er minn raunveruleiki.

Ég er ljós Sköpunar minnar og ég neita að láta lengur stjórnast eða vera smækkuð til þrælkunar. Ég flyt ljósið, ljósið, ljósið og held stöðugt áfram að þenjast út sem Skaparinn sem ég er.

Ég er guðdómlegur kærleikur, því það er allt sem er, aðeins kærleikur og ljós sem Sjálfsvitundin, Mahatma.

Ég lít nú á hið heila sjálf þar sem ég þenst út í eilífðina og sé aðeins ljós og kærleika þar sem ég frelsa sjálfa mig og verð það sem ég hef alltaf verið, Allt sem er sem Sjálf minnar Sjálfsvitundar núna.

Endurtakið þetta oft og sjáðu hvernig lög af sjálfs tálsýn fellur brott og þú finnur betur og betur hið innra Sjálf.

 Til frekari upplýsinga mæli ég eindregið með lestri á bók Brians. Hún er uppfull af fróðleik, æfingum, hugleiðslum og upplýsingum sem alltaf er hægt að fletta í og uppgötva nýjan skilning á þeim alheimi og kærleikssköpun sem við búum í og tökum þátt í að mynda hvern dag.