Sambönd og heftandi skoðanir

Höldum áfram umræðunni frá því í gær, þar sem Vywamus talar um það að við sköpum okkar raunveruleika.

 Hann segir á bls 6 í Mahatma bókinni.

"Ef þú ert í sambandi sem virðist vera mjög erfitt líttu þá djúpt innra með þér.

Ertu að bregðast við því sambandi?

Ertu reið?

Finnst þér að þú hafir orðið fyrir missi eða svikum?

Eru vonbrigði og kvíði til staðar?

Hver þessarra tilfinninga er eins og ég kalla það gikkur á takmarkandi skoðun sem er til staðar hjá þér, sem spegill lífsins er að sýna þér.

Afhverju spyrðu kannski?

Jú, svo þú getir sleppt þeim. Þessar skoðanir eru heftandi og takmarkandi og þér er ekki ætlað að vera takmörkuð eða heft.

Þegar ég segi þér þetta þá skaltu hafa í huga að ég er ekki að segja þér að fara frá einhverju. Mörg ykkar haldið að þegar talað er um frelsi þá sé það að komast burtu frá einhverju. Sérstaklega þá hverskyns skipulagi. Sum ykkar halda jafnvel að þið séuð þá laus undan ábyrgð.

Ég er ekki að segja að speglar séu að sýna þér hvernig þú eigir að komast undan einhverju öðru en skoðunum sem eru takmarkandi. Reyndar leyfir losun á heftandi skoðunum þér að fylgja skipulagi á þann hátt sem því var upphaflega ætlað að gera.

Skipulag er guðdómlegt stuðningskerfi sem er ekki ætlað að vera heftandi."

Þú hefur núna einstakt tækifæri til að hreinsa til í undirdjúpi huga þíns og hafa margar stórkostlegar leiðir og tæki til þess komið fram á síðustu árum og áratugum.

Ein þessarra leiða er vinna með Shamballa mdh.