Hugleiðsla á morgun mánudag

Kæru vinir.

Enn og aftur er komið að hugleiðslu stund. Við hittumst klukkan 8 annað kvöld hér heima og förum saman í hugleiðslu.

Þema kvöldsins er tvískipt
1. Sómalía. við sendum ljós til Sómalíu og allra þeirra sem þjást vegna þurrka og matarskorts í Afríku en þurrkarnir hafa haft áhrif á minst 5 lönd þar og milljónir manna.
2. Noregur. Skotárásin og eftirspil hennar fyrir norðmenn og alla jarðarbúa. Við sendum ljós til allra sem urðu fyrir árásinni og aðstandenda og vina en einnig til Breivik og annarra sem eru í svipuðum hugleiðingum því vissulega eru margir til sem þjást af geðröskun svipaðri hans. Munum að dæma ekki þó við þurfum ekki að vera sammála eða viðurkenna verknaði eins og hans.

Phyllis vinkona sendi á shamballa listann frábæra bæn sem ég hvet alla til að nota enda felur hún í sér kærleikssendingu til allra á plánetunni.

Stórkostlega Sjálfsvitund,ég bið um og þakka fyrir að allir, alls staðar fái eins góðan eða betri mat að borða eins og ég hef fengið í dag.