Shamballa grunn námskeið um aðra helgi

Nú fer hver að verða síðastur að skrá sig á næsta grunn námskeið. Til að staðfesta skráningu þarf að greiða 5000 króna staðfestingar gjald sem jafnframt er greiðsla fyrir áruhreinsunina sem við gerum úr fjarlægð fyrir námskeiðið.
Með staðfestingunni þarf að koma fram fullt nafn og fæðingardagur auk tölvupóstfangs.

Við ætlum að vera með kynningarkvöld 4. nóvember kl 20 og eru allir velkomnir.

Námskeiðið sjálft er 16 stundir og fer fram 5. og 6. nóvember kl 9-17.

Baba segir um Shamballa
Shamballa MDH er leið til frelsis og tengingar við hinn guðdómlega kærleika.


Hér er smá samantekt og útdráttur úr viðtali við Hari Baba-John Armitage sem tekið var 27.janúar 2011.

Segðu mér fyrst Baba, hvað er Shamballa MDH?
Upphaflega tók ég þessa orku niður árið 1994. Við sáum það fyrir okkur sem heilunar form, eða handa yfirlagningu svipað og Reiki og samskonar módel. Í gegnum árin þá hef ég gert mér betur og betur grein fyrir því hver kjarni Shamballa er. Heilun er hluti af því en það snýst raunverulega um persónulegt frelsi og persónu þroska. Einnig snýst það um að samþætta og meðtaka þá orku sem ég kalla Divine Love (guðdómlegan kærleika) fullkomlega og skilyrðislaust.
Þegar við samþættum þennan kærleika fyrir okkur sjálf þá gerir hann okkur kleyft að elska allt í sköpuninni. Við erum meira í hjarta okkar og lifum frá hjartanum í stað egosins eða tilfinninganna.
Það eykur möguleika okkar á að vera einbeittari í að vera heilunar miðlar eða stuðnings aðili fyrir okkur sjálf og aðra. Því það er augljóst að ef við miðlum ekki heilandi orku til okkar þá getum við ekki gert það fyrir aðra.
Þannig sé ég Shamballa MDH. Það er eitthvað sem veitir þér persónulegt frelsi. Margir miskilja það á þann veg að þeim sé þá frjálst að gera hvað sem er og haga sér hvernig sem þeim dettur í hug. Frelsi er í raun ekkert meira en frelsi frá ótta. Ef þú lifir ekki í ótta þá geturðu lifað frá hjartanu. Það er svo einfalt.
Hvernig hófst ferð þín með shamballa?
Þetta er mjög sérstakt fyrir mig. Allt frá því ég var barn gat ég heilað dýr og fólk og séð verur í kringum mig sem aðrir sáu ekki. Ég átti samskipti við þessar verur og hélt að allir aðrir gerðu það líka. Þetta var mér svo náttúrulegt en svo lærðist mér það nú að svo var ekki. Fjölskylda mín sá ekki þessar verur.
Árin liðu og ég vann mikið með kristalla og kannaði kristal orku og fann leiðir til að nota kristalla til heilunar, kristalla remedíur og nýja tegund blómadropa. Ég vann líka með móður jörð og ferðaðist mikið. Dag einn árið 1989 þá var það að einn hinn svokölluðu uppljómuðu meistara eins margir kalla þá en ég kalla margvídda meistara sem þekktastur er undir nafninu Germain kom að máli við mig og sagði. Ok Hari Das við erum með nýtt verkefni fyrir þig og það er þannig; Þetta er form fyrir frelsi og heilun. Margir kunna að undrast að ég sagði; Nei takk, ég hef ekki áhuga.
Þessi samskipti gengu á í nokkur ár en ég var ákveðin í að taka þetta ekki að mér.
Það breyttist þó dag einn er ég sat ásamt kunningja konu minni sem miðlaði oft Fransis af Assisi eða Kutumi inni í eldhúsi á bóndabæ í suðvestur Englandi og vorum að drekka te. Ég og Francis eða Kutumi höfum átt ýmiss samskipti við mismunandi tilvik í tíma og rúmi. Ég var að reykja eins og ég geri reyndar enn þó margir hafi sagt mér að það væri ekki gott fyrir mig. Francis var að tala við mig og segir, o já Kutumi vill eiga við þig orð. Svo kemur Kutumi í gegn og segir mér að Germain vilji tala við mig. Samstundis bregst ég við og segi; Minnstu ekki einu orði á það væni.
Ég vil ekkert vita um þetta. Þá sagði Kutumi nokkuð sem breytti öllu. Ég vil skýra þetta fyrir þér á nýjan hátt. Það sem þú hefur verið beðinn um að gera er í raun að tengja fólk við sjálfsvitund þeirra, I am presence, tengja það við hið sanna sjálf sitt. Opna hjörtu þeirra í kærleika og blessa til frjálsræðis og svo getur það farið sína leið.
Það er svalt og ég er tilbúinn til þess. Þannig byrjaði þetta allt saman.
Nú og vegna þess að ég var nú ekkert að flýta mér að setja upp námskeið þá var það vinur minn sem sá um námskeið fyrir mig sem setti það af stað á eynni Jersey úti fyrir ströndum Frakklands árið 1994 og voru 12 manns sem tóku þátt. Í dag eru á milli 8 og 10 milljónir um allan heim. Það er alveg ótrúlegt.
Stundum finnst mér þetta yfirþyrmandi og mig langar mest til að hætta öllum afskiptum af þessu en þegar fólk svo kemur til mín og lýsir því hversu miklu þetta hafi breytt fyrir það persónulega þá snýst mér hugur. Þetta hefur verið ákaflega áhugaverð reynsla.

Þú minntist á það í upphafi að shamballa sé svipað og reiki og önnur heilunarform. Hvað skilur þetta að?
Ég neita nú oftast að tjá mig um þetta og segi fólki bara að það verði bara að prufa til að finna muninn sjálft.
En það sem það raunveruleg er er hinn guðdómlegi kærleikur sem er óskilyrtur, án þess að fella dóm bæði gagnvart öðrum og sjálfum þér og þetta frelsi. Þetta frelsi frá ótta. Svo eru engar leikreglur um hvernig á að nota shamballa í heilunartíma, það er enginn bók um hvað eigi að gera fyrst og síðan. Í mörgum heilunarformum er aftur á móti ákveðin leið sem farin er í þessu sambandi. Í Shamballa MDH þá erum við að miðla orku frá hinu guðdómlega sjálfi eða móður/föður guði eða hvernig sem fólk vill orða það. Mismunandi fólk notar mismunandi heiti eða orð en allt er þetta samt það sama. Við erum að aðstoða fólk til að heila sig með orku. Ég held að það setji það á aðra hillu heldur en önnur heilunarform þar sem kannski er sagt nú skalt þú sitja og ég ætla að heila þig en í shamballa sé ég fólk heila sig sjálft. Það sem við gerum er að við opnum fyrir orkuna og gefum persónunni tækifæri til að heila sig . Þannig sé ég þennan mun. Ég hef verið tengdur heilun allt mitt líf eins og fram hefur komið og það voru þeir tímar er ég sagði, þú ert veikur og þarft á heilun að halda og þú ert þetta eða hitt. Það er áfellisdómur eða mat þitt. Það er ekki að leyfa einstaklingnum að elska sjálfan sig. Það sem við gerum í shamballa er að við flytjum orku í gegn sem er guðdómlegur kærleikur og einstaklingurinn notar hann til að heila sjálfan sig.
Svo það er ekkert til sem heitir heilari heldur erum við stuðnings aðili.
Þegar fólk hefur fengið virkjun eða vígslu þá virðist það vera miklu opnara og frjálsara til að sjá hluti og tjá sig heldur en áður.
Já það er rétt. Það opnar líka huga fólks og brýtur niður skilyrðingu. Margir vita það að flest fólk lifir bara í draumi, líf þeirra er fullkomin tálsýn. Þetta kann að virðast áfellisdómur en það er það ekki heldur ástandið eins og það er. Klárlega eftir shamballa virkjun þá byrja hömlurnar að falla og fólk fer að sjá raunveruleikann í kringum sig. Á plánetu jörð erum við dáleidd af því sem ég kalla eyðileggingar vopn. Þessi vopn eru allt í kringum okkur og tæla okkur til að trúa einhverju um sjálf okkur sem við erum ekki.
Virkjunin veldur því að þessar hulur byrja að brotna niður og víðari veruleiki opnast. Fólk sem ég hef fylgst með verður opnara til að skilja og átta sig á hvað raunveruleiki er í raun. Það er ekki það sem þú sérð í gegnum augun, það er ekki það sem fjölmiðlar segja þér og öll þessi barátta heldur verðurðu frjálsari í huga þér og hjarta. Svo frá því á byrjunardögum Shamballa þá höfum við fært okkur frá því að vera heilunar form í að vera form til að frelsa sjálfið. Eins og ég sagði því meiri kærleikur í hjarta, því meira frelsi og því opnari ertu til að taka niður og jarðtengja orkuna frá móður föður guði frá miðsólu og dreifa til annarra.
Ég verð stöðugt jafn opinmynntur og stóreygður er ég lít í kringum mig á námskeiðum þar sem fólkið er að upplifa svo stórkostlega hluti og fær nýjan skilning leið og það fer dýpra inn í kærleikan án skilyrða.
Þetta er kjarni Shamballa MDH. Það er meiri heimspeki en heilun.
Vertu opin, elskaðu alla og fyrirgefðu öðrum jafnt sem sjálfum þér. Kærleikur, kærleikur, kærleikur.

Hafið samband áður í síma 6990858
Nýtt námskeið hefst 5.nóvember. Skráning er hafin á [e-mail]

Athugasemdir

[július (IP-tala skráð) 10.12.2011 kl. 04:54]

hvenar er næsta grunn námskeið shamballa?

[Lilja Petra Ásgeirsdóttir, 11.12.2011 kl. 20:00]

Næsta grunn námskeið verður haldið helgina 28.-29. janúar næstkomandi.

Skráning er hafin á tölvupóstfangið shamballa hja internet.is

kærleikskveðja

Lilja og Elli