Sunnudags hugleiðing- mánudags hugleiðsla

Góðan daginn kæru shamballa vinir.
Í gær var ég minnt á bók sem ég las fyrir um tuttugu árum síðan og heitir "Love changes everything". Hún er eftir David Icke sem síðar hefur orðið frægari fyrir samsæriskenningar og bækur um skuggastjórnun. David Icke þekkti vel Hari Baba og margt af því sem kemur fram í fyrstu bókum hans var einmitt fengið úr smiðju Baba.

Í bókinni eru skilaboð frá móður jörð til okkar mannanna um hvernig við getum hjálpað jörðinni með uppljómunarferlið með kærleika.

Þessi skilaboð eiga jafn vel við í dag sem þá. Með því að lifa lífinu í kærleika sem ekki æskir neins heldur er umvefjandi og umbreytandi þá breytist lífsmynd okkar og líðan.

Við eigum valið. Við getum haldið í reiði og biturleika og þá beinast sjónir okkar að öllu sem eykur slíkar tilfinningar. Við getum horft á allt sem miður fer og látið hjá líða að sjá allt sem vel er gert.

Með því að hafa kærleikan að leiðarljósi í lífi okkar þá löðum við að okkur hið jákvæða og getum betur horft yfir sjónarsviðið og séð hið víðara samhengi hlutanna. Umhverfi okkar breytist og við vöxum/þroskumst með jörðinni.

Vertu kærleikur og njóttu stundarinnar

Á morgun bjóðum við Elli til hugleiðslu þar sem við notum fjölda kristalla til að styrkja kærleiksorkuna enn frekar. Við sendum kærleika til jarðarinnar og allra jarðarbúa. Vertu með og komdu í Bjarkarholt 4 Mosfellsbæ kl 20 mánudag 12.mars